ბელორუსის მედიის ცნობით, 27 ნოემბერს მოგილოვის ოლქის შინაგან საქმეთა სამმართველომ, რუსეთის პრეზიდენტ ვლადიმერ პუტინზე, თავდაცვის მინისტრ სერგეი შოიგუზე, საგარეო საქმეთა მინისტრ სერგეი ლავროვზე ძებნის გამოცხადების შესახებ ინფორმაცია Twitter-ის საკუთარი გვერდით გაავრცელა.
გამოცხადებულ ინფორმაციაში, რუსეთის ზემოხსენებული მოქალაქეები, ,,ჩეჩნეთში, საქართველოში, უკრაინასა და სირიაში განხორციელებული გენოციდის გამო,, იძებნებოდა.
მოგვიანებით ბელორუსის შსს-მ წაშალა აღნიშნული მასალა, გამომწერებს ბოდიში მოუხადა და აღნიშნა, რომ Twitter-ის ანგარიშზე წვდომა აღადგინეს, რაც იმას ნიშნავს, რომ ძებნის შესახებ გავრცელებული ინფორმაცია, ჰაკერების ნახელავი იყო.