ბელორუსის კგბ-ს საგამოძიებო განყოფილების უფროსის მოადგილემ, კონსტანტინე ბიჩეკმა განაცხადა, რომ აღკვეთილია „უკრაინელი აგენტების ქსელი, რომლებიც მონაწილეობდნენ ასაფეთქებელი ნივთიერებებისა და იარაღის გადაცემაში“. ამის შესახებ მან სახელმწიფო ტელეარხ Belarus-1-ის ეთერში განაცხადა.
მისი თქმით, სპეციალურმა სამსახურმა „გამოავლინა და ამოიღო ასაფეთქებელი ნივთიერებები“, რომლებიც, მისი თქმით, შეიძლება გამოყენებული იქნას „აფეთქებების განსახორციელებლად ნავთობგადამამუშავებელი მრეწველობის საწარმოებში“ და „სახელმწიფო მოხელეების და ჟურნალისტების მკვლელობისთვის“ მოსამზადებლად.
ბიჩეკის თქმით, ასევე დადგენილია „უკრაინის სპეცსამსახურების თანამშრომლების კურატორების ვინაობა, რომლებიც ხელმძღვანელობდნენ დანაშაულებრივი ჯგუფის საქმიანობას“. აღძრულია სისხლის სამართლის საქმე. გავრცელებული ინფორმაციით, ბრალდებულთა ქმედებებში ჩანს ისეთი დანაშაულის ნიშნები, როგორიცაა ღალატი, ფარული აქტივობა და ტერორისტული აქტი. მუხლი სიკვდილით დასჯას ითვალისწინებს.
