,,ბელორუსი არ დახმარებია სამხრეთ ოსეთს, როდესაც იქ რუსეთის განცხადებით მათი მოქალაქეები იღუპებოდნენ და არ დაეხმარება სომხეთს ყარაბახში. მითუმეტეს რომ სამხედრო მოქმედებები ყარაბახში დე-იურედ სომხეთის წინააღმდეგ აგრესიად არ ითვლება. აპელაცია ОДКБ-ში (კოლექტიური უსაფრთხოების ხელშეკრულების ორგანიზაცია) მოკავშირეობის ვალზე სომხეთის მხრიდან იქნება მიზანშეუწონელი, რადგან თავად სომხეთს, რომელიც რუსეთის მოკავშირე იყო, არაფერი გაუკეთებია იგივე სამხრეთ ოსეთში რუსეთის სასარგებლოდ. ამიტომ საკითხის ასე დასმასაც კი – მინსკში განხილული იქნება როგორც პროვოკაცია”,- აცხადებს აზერბაიჯანულ მედიასთან საუბრისას ბელორუსის პარლამენტარიზმის ინსტიტუტის პროფესორი და პოლიტოლოგიის კათედრის გამგე ნიკოლაი მალიშევსკი.
მალიშევსკის განცხადებით, ბოლო დროს ბელორუს-რუსეთის ურთიერთობებში დაძაბულობები, ალექსანდ ლუკაშენკოს გარემოცვისა და ოჯახის წევრების დამსახურებაა, რადგან პრეზიდენტის გარემოცვაც და მისი ოჯახის ზოგიერთი წევრი ანტირუსულად არიან განწყობილები.
“ისინი განსაზღვრავენ საკადრო და მედია პოლიტიკას ქვეყანაში”- აცხადებს მალიშევსკი.