ბელგიის ფედერალური პარლამენტი რუსეთის წინააღმდეგ ევროკავშირის სანქციების მოხსნის საკითხს განიხილავს – ამის შესახებ სახალხო პარტიის ქვედა პალატის დეპუტატმა ალდო კარკასიმ განაცხადა.
“რეზოლუციის პროექტი განსახილველად მიიღეს. არდადეგების დასრულებისთანავე, წარმომადგენლობითი პალატის შინაგან საქმეთა კომისია რეზოლუციას განიხილავს” – განაცხადა კარკასიმ.
პარალმენტარის თქმით, მისი დოკუმენტი მიმართულია იქით, რომ სამეფოს პარლამენტი უფლებამოსილი გახდეს რუსეთის წინააღმდეგ ევროკავშირის სანქციები მოიხსნას, რომლის გამოც “ბელგიის აგრარული სექტორი ზარალდება”.
შეგახსენებთ, რომ ევროკავშირმა რუსეთს 1 ივლისს სანქციები 2017 წლის 31 იანვრამდე გაუგრძელა მინსკის ხელშეკრულებაში არასაკმარისი პროგრესის გამო. სანქციებს შეუერთდნენ აშშ, კანადა, ავსტრალია, ნორვეგია, უკრაინა, ალბანეთი, ჩერნოგორია, ისლანდია, ლიხტენშტეინი და საქართველო.
