ბელგიის პოლიციამ პარიზის ტერაქტებში ეჭვმიტანილი 5 ადამიანი დააკავა – ამის შესახებ დღეს ავრცელებს ინფორმაციას “როიტერსი”.
დაკავება გუშინ გვიან ღამით მოხდა. სამართალდამცველებმა ბრიუსელის ცენტრში დანსარტის რაიონში ჩაატარეს ოპერაცია. გავრცელებული ინფორმაციის თანახმად, ერთ სახლში დააკავეს ორი ძმა და მათი ერთი მეგობარი. მათი კვალი სატელეფონო ანალიზებიდან დაადგინეს. კიდევ ორი ეჭვმიტანილი ლაკენის რაიონში იქნა დაჭერილი.
რეიდების დროს პოლიციამ ვერ აღმოაჩინა ვერც იარაღი, ვერც ასაფეთქებლები.
პარიზის ტერაქტების სერია 14 ნოემბერს მოხდა, რომელსაც 130 ადამიანი ემსხვერპლა და 400-მდე დაშავდა.