ბელგიის პოლიციამ ორი ადამიანი დააკავა, რომლებიც კრიმინოლოგიის ცენტრალურ ინსტიტუტზე თავდასხმაში არიან ეჭვმიტანილები. გამოძიების თანახმად, თავდასხმა ტერორიზმს არ უკავშირდება.
გამომძიებლების განცხადებით, თავდასხმა წინასწარ განზრახულად მოხდა, მის უკან, სავარაუდოდ, კრიმინალები დგანან.
ცნობილია, რომ უცნობები შენობასთან მანქანით მივიდნენ და შემდეგ მას ცეცხლი წაუკიდეს იმ მხარეს, სადაც ლაბოარტორია მდებარეობდა. ცეცხლის გამო აფეთქება მოხდა.
აფეთქების მომენტში შენობაში არავინ იმყოფებოდა. დაშავებულები არ არიან.
შეგახსენებთ, რომ ბელგიაში ტერორისტული საფრთხის მაღალი დონე მოქმედებს.