ცარიელი სავარძლის კადრი-ბელარუსის საზოგადოებრივი მაუწყებლის თანამშრომლების ნაწილმა გაფიცვა გამოაცხადა.
9 აგვისტოს არჩევნების შემდეგ დაწყებული პროტესტი ბელარუსში გრძელდება. გუშინ, 16 აგვისტოს, გაიმართა აქცია-მსვლელობა “მშვიდობის მარში”, რომელშიც 200 000-მდე ადამიანი მონაწილეობს. ბელარუსის მოსახლეობა არჩევნების შედეგებს აპროტესტებს, რომელთა თანახმადაც ალექსანდრ ლუკაშენკომ ხმების 80.23% მიიღო, მისმა მთავარმა ოპონენტმა, სვეტლანა ტიხანოვსკაიამ კი 9.9%, რასაც ხალხის მასობრივი პროტესტი მოჰყვა. პოლიციამ აქციების დასაშლელად ცრემლსადენი გაზი, ხმოვანი ყუმბარები, წყლის ჭავლი და რეზინის ტყვიები გამოიყენა, რის შედეგადაც გარდაიცვალა ორი, ხოლო დაშავდა ათობით ადამიანი.
