ვარშავამ დაადასტურა, რომ ბელარუსის ვერტმფრენებმა დაარღვიეს პოლონეთის სახელმწიფო საზღვარი, – ამის შესახებ პოლონეთის ეროვნული თავდაცვის სამინისტროს განცხადებაშია ნათქვამი.
უწყების განცხადებაში აღნიშნულია, რომ პოლონეთის საჰაერო სივრცე ბელარუსის ორმა ვერტმფრენმა დაარღვია.
„დადგინდა, რომ დღეს, პოლონეთის საჰაერო სივრცე დაარღვია ბელარუსის ორმა ვერტმფრენმა, რომლებიც საზღვართან წვრთნებს ახორციელებდნენ. ბელარუსულმა მხარემ პოლონურ მხარეს ვარჯიშის შესახებ წინასწარ აცნობა“, – ნათქვამია განცხადებაში.
პოლონეთის ეროვნული თავდაცვის მინისტრმა, მარიუშ ბლაშჩაკმა საზღვარზე ჯარისკაცების რაოდენობის გაზრდის, დამატებითი ძალებისა და რესურსების გამოყოფის, მათ შორის საბრძოლო ვერტმფრენების ბრძანება გასცა.
ინციდენტის შესახებ ინფორმირებულია ნატო-ც.
„გარდა ამისა, კომიტეტი დათანხმდა, რომ ბელარუსის საქმეთა დროებითი რწმუნებულს გამოიძახებენ პოლონეთის საგარეო საქმეთა სამინისტროში მომხდარის ასახსნელად. შესაძლო შემდგომი პროვოკაციების გამო, მოვუწოდებთ პასუხისმგებლობით გავრცელდეს და გაუკეთდეს კომენტარი ინფორმაციას, რომელიც შესაძლოა, გამოიყენოს რუსეთმა და ბელარუსმა“, – აღნიშნულია განცხადებაში.
