ისრაელის მიერ ლიბანის ქალაქ ტვიროსზე განხორციელებული დარტყმის შედეგად 8 ადამიანი დაიღუპა, – ინფორმაციას BBC-ი ლიბანის ეროვნულ საინფორმაციო სააგენტოზე დაყრდნობით ავრცელებს.
სააგენტოს ცნობით, დაშავებულია 32 ადამიანი და ნანგრევების გაწმენდის სამუშაოები გრძელდება.
BBC-ი წერს, რომ ისრაელის თავდაცვის ძალები აგრძელებენ სამხრეთ ლიბანზე საჰაერო დარტყმებს, მას შემდეგ, რაც ირანმა გუშინ ქვეყანას თავდასხმების შეჩერებისკენ მოუწოდა და წინააღმდეგ შემთხვევაში მკაცრი რეაგირებით დაიმუქრა.
სამხრეთ ქალაქ ტვიროსზე თავდასხმა დღეს დილით განხორციელდა, ისრაელის თავდაცვის ძალების მიერ ევაკუაციის შესახებ გაფრთხილებების გაცემიდან რამდენიმე საათის შემდეგ.
