ბათუმში რესპუბლიკური საავადმყოფოს ექიმის მიმართ ფიზიკური შეურაცხყოფის ბრალდებით ერთიანი ნაციონალური მოძრაობის ბათუმის საოლქო საარჩევნო კომისიის წევრი, დავით გეგიაძე დააკავეს. ინფორმაციას პარტიის პრესსამსახურში ადასტურებენ.
გავრცელებული ინფორმაციით, დავით გეგიაძეს COVID-19-ით ინფიცირებული მეგობრის ნახვა უნდოდა, რასაც ექიმთან ფიზიკური დაპირისპირება მოჰყვა.
შსს-ს ცნობით, გამოძიება სსკ-ის 126-ე მუხლით დაიწყო, რაც ძალადობას გულისხმობს.
