ბათუმში, ბესიკისა და 26 მაისის ქუჩების კვეთაზე მაღაზია გაქურდეს. მეპატრონის განცხადებით, მაღაზიიდან წაღებულია თანხა და დაახლოებით 150 ლარის ღირებულების სიგარეტი.
ქურდობის ფაქტი სათვალთვალო კამერებმა დააფიქსირეს. მისივე განცხადებით, მაღაზიაში 5 ქურდი შევიდა.
მომხდარზე საქმე სისხლის სამართლის კოდექსის 177-ე მუხლით აღიძრა, რაც ქურდობას გულისხმობს.
ამ დროისთვის სამართალდამცველებს არავინ დაუკავებიათ. შსს-ს ცნობით, მიმდინარეობს საგამოძიებო მოქმედებები.