ბათუმში რამდენიმე ქუჩაზე მოვაჭრეების დახლებისა და ჯიხურების აღებას ხმაური მოჰყვა. გარემოვაჭრეების თქმით, ისინი ამის შესახებ გაფრთხილებულები არ იყვნენ.
მერიაში კი საპირისპიროს ამტკიცებენ და აცხადებენ, რომ მოვაჭრეებს რამდენიმე თვის განმავლობაში სთავაზობდნენ სხვა ტერიტორიაზე გადასვლას, თუმცა მათთან მოლაპარაკებები უშედეგოდ დასრულდა.
გარემოვაჭრეები დღეიდან აქციების გამართვასა და გზების გადაკეტვას გეგმავენ.
„არ გრცხვენიათ?… რაც შეგვეძლება, გადავკეტავთ გზებს და მივხედავთ ჩვენს ცხოვრებას. აბა მათი ხელფასები ჩვენ არ გვარჩენს,“- აცხადებენ გარემოვაჭრეები.
