ბათუმში აეროპორტის გზატკეცილზე ავტოსაგზაო შემთხვევა მოხდა. სამარშუტო ხაზზე მოძრავ მიკროავტობუსს მსუბუქი ავტომანქანა დაეჯახა, რა დროსაც ავტომობილს ცეცხლი გაუჩნდა.
შემთხვევის ადგილზე მობილიზებულია სახანძრო და სამაშველო სამსახურები.
შემთხვევის შედეგად 4 ადამიანი დაშავდა, რომელთაგან ერთი მიკროავტობუსის მძღოლი, ხოლო 3 მგზავრია. დაშავებულები ბათუმის რეფერალურ საავადმყოფოში გადაიყვანეს და მათ სიცოცხელს საფრთხე არ ემუქრება.
შინაგან საქმეთა სამინისტროს ინფორმაციით, მომხდართან დაკავშირებით, გამოძიება 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს.