ბათუმს ელექტროენერგიის მიწოდება შეუწყდა. ქალაქში ბანკები, კლინიკები და სხვა ობიექტები გენერატორების მეშვეობით მუშაობს. გათიშულია შუქნიშნებიც, რამაც ავტოტრანსპორტის მოძრაობას პრობლემები შეუქმნა.
კომპანია „ენერგო-პრო ჯორჯიას” ინფორმაციით, დაზიანდა მაღალი ძაბვის გადამცემი ხაზი, რომლითაც ქალაქი ელექტროენერგიით მარაგდება. დაზიანების ადგილზე ამ დროისათვის სპეციალისტები მუშაობენ.
