,,ბათუმობის” დღესასწაულთან დაკავშირებით შსს განცხადებას ავრცელებს

,,ბათუმობის” დღესასწაულთან დაკავშირებით შსს განცხადებას ავრცელებს. ,,თაიმერი” განცხადების ტექსტს უცვლელად გთავაზობთ:
,,შინაგან საქმეთა სამინისტროს საპატრულო პოლიციის დეპარტამენტი გაცნობებთ, რომ 31 აგვისტოს და 1 სექტემბერს, „ბათუმობის“ დღესასწაულზე დაგეგმილ
ღონისძიებებთან დაკავშირებით, ბათუმის ზოგიერთ ქუჩაზე სატრანსპორტო მოძრაობა დროებით შეიზღუდება.
ავტოტრანსპორტის მოძრაობა იზღუდება ხულოს, ვახტანგ გორგასლის, კოსტანტინე გამსახურდიას, ფარნავაზ მეფის, ნოე ჟორდანიას, მერაბ კოსტავას და გიორგი მაზნიაშვილის ქუჩებზე.
დღეს, 20:00 საათიდან სატრანსპორტო მოძრაობა ასევე შეიზღუდება მემედ აბაშიძის ქუჩაზეც (მემედ აბაშიძისა და ვაჟა-ფშაველას ქუჩების კვეთიდან
მემედ აბაშიძისა და გიორგი მაზნიაშვილის ქუჩების კვეთამდე).  ავტოტრანსპორტის გადაადგილებას საპატრულო პოლიციის ეკიპაჟები
დააარეგულირებენ.  მძღოლებს მოძრაობა ალტერნატიული, შემოვლითი ქუჩებით   შეეძლებათ.
ღონისძიების დასრულების შემდეგ ბათუმის ქუჩებში ავტოტრანსპორტის მოძრაობა   სრულად აღდგება”- ნათქვამია განცხადებაში.

banner
წინა სტატიაშირუხაძემ ჰოლანდიურ სასამართლოში სააკაშვილის წინააღმდეგ სარჩელი წააგო
შემდეგი სტატიაგიორგი მარგველაშვილი საპრეზიდენტო არჩევნებში მონაწილეობას აღარ მიიღებს