ბათუმის საკრებულომ „რივიერას“ ტერიტორიის განაშენიანების პროექტზე საქმის წარმოების დაწყებას მხარი დაუჭირა

region
ავტ.: region ივლისი 16, 2019 15:25

ბათუმის საკრებულომ „რივიერას“ ტერიტორიის განაშენიანების პროექტზე საქმის წარმოების დაწყებას მხარი დაუჭირა

ხმაურის ფონზე მიმდინარე სხდომაზე ბათუმის საკრებულომ მიიღო გადაწყვეტილება, დაიწყოს საქმის წარმოება „რივიერას“ განაშენიანების პროექტზე. ინიციატივას მხარი 20-მა დეპუტატმა დაუჭირა.

„სილქ როუდ ჯგუფის“ პროექტთან დაკავშირებით, რომელიც ანბანის კოშკის მიმდებარე თავისუფალ ტერიტორიაზე ხუთი ცათამბჯენის, იახტ კლუბისა და სხვა ინფრასტრუქტურის მშენებლობას ითვალისწინებს, დაიწყება საჯარო განხილვები.

„მე, როგორც მერი და ქალაქის გულშემატკივარი, ვერ უგულებელვყოფ მილიარდიანი ინვესტიციის მნიშვნელობას, 2000 ადამიანის დასაქმებას და მხარს ვუჭერ მის განხორციელებას“, – განაცხადა ბათუმის მერმა, ლაშა კომახიძემ.

გადაწყვეტილებას საკრებულოში „ნაციონალური მოძრაობისა“ და მოქალაქეთა ჯგუფის წარმომადგენლების პროტესტი მოჰყვა. სხდომათა დარბაზში მოქალაქეთა მეორე ჯგუფიც გამოჩნდა, რომელიც პროექტის მომხრეა. ისინი საინიციატივო ჯგუფს დაუპირისპირდნენ.

„ეს ადამიანი შემოგზავნეს. ვიცით, რომ დესტრუქციული ძალაა და პროექტის მოწინააღმდეგეებს არ მოგვცეს საუბრის საშუალება, ჩვენ მიერ არჩეული საკრებულო ამ გადაწყვეტილებით გვინგრევს ქალაქს“, – განაცხადა მოქალაქე ზეინაბ დიასამიძემ.

მას მოქალაქე მერაბ ღოღობერიძე დაუპირისპირდა.

„ჩვენც ბათუმელები ვართ, ჩვენც გვაქვს მოსაზრება და აზრის გამოთქმის უფლება, ეს ჯგუფი თუ ეწინააღმდეგება, ჩვენ მივესალმებით პროექტს, მშენებლობას“, – განაცხადა მერაბ ღოღობერიძემ.

გადაწყვეტილების მიღების შემდეგ მოქალაქეებმა სხდომათა დარბაზი დატოვეს.

region
ავტ.: region ივლისი 16, 2019 15:25

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,150
ვიზიტორი
დღეში
Powered By Google Analytics