ბათუმის რესპუბლიკური საავადმყოფოს დირექტორს, სოლომონ ფუტკარაძეს ახალი კორონავირუსი დაუდასტურდა. გავრცელებული ინფორმაციით, ფუტკარაძე მერვე დღეა, რაც ბინაზე მკურნალობს.
გასულ დღე-ღამეში საქართველოში კორონავირუსით ინფიცირების 265 ახალი შემთხვევა აღირიცხა, რაც რეკორდული მაჩვენებელია. შემთხვევების დიდი წილი კვლავ აჭარის ავტონომიურ რესპუბლიკაზე მოდის, სადაც 165 ახალი შემთხვევა აღირიცხა, თბილისში კი – 43. დღე-ღამის განმავლობაში ვირუსისგან 54 ადამიანი გამოჯანმრთელდა.
