ბათუმის რესპუბლიკურ საავადმყოფოში მოთავსებული კორონავირუსით ინფიცირებული 72 წლის მამაკაცის მდგომარეობა კრიტიკულია. თავდაპირველად, იგი ინსულტის დიაგნოზით რეფერალურ კლინიკაში იმყოფებოდა. მამაკაცს კორონავირუსი გუშინ დაუდასტურდა, რის შემდეგაც კოვიდ-ცენტრში გადაიყვანეს.
„მამაკაცის მდგომარეობა არის უკიდურესად მძიმე, მას აქვს ინსულტი და ამჟამად მართვით სუნთქვაზე იმყოფება“, – განაცხადა კლინიკის მენეჯერმა გია კიკაბიძემ.
ამ დროისთვის ბათუმის რესპუბლიკურ საავადმყოფოში 158 კოვიდინფიცირებულია, აქედან 17 რეანიმაციაში იმყოფება, მათგან ხუთის მდგომარეობა მძიმედ ფასდება.
