ბათუმის მერია – კორპუსი, რომლის სადარბაზოც ჩამოინგრა, სრულ დემონტაჟს ექვემდებარება

ბათუმის მერიის საფინანსო სამსახურის უფროსის ედნარ ნატარიძის განცხადებით, ბათუმში ჩამონგრეული საცხოვრებელი კორპუსი სრულ დემონტაჟს ექვემდებარება.

მისივე თქმით, უკვე ცნობლია ექსპერტიზის დასკვნა.

„კორპუსი, რომლის ერთი სადარბაზოა ჩამონგრეული, სრულ დემონტაჟს ექვემდებარება. ამ შენობასთან დაკავშირებით ექსპერტიზის დასკვნა ჩემთვის უკვე ცნობილია. შესაბამისად, გამოიყოფა ნახევარი მილიონი ლარი სადემონტაჟო სამუშაოებისთვის და საკრებულოს სხდომაზე ეს საკითხი გამოვიტანეთ, პრაქტიკულად დემონტაჟი მალევე დაიწყება“, – განაცხადა ედნა ნატარიძემ.

რაც შეეხება დაზიანებული შენობის მომიჯნავე კორპუსებს, ბათუმის მერის მოვალეობის შემსრულებლის ლელა სურმანიძის განცხადებით, პირველადი დათვალიერებით, ეს კორპუსები მდგრადია.

როგორც აღინიშნა, კლდიაშვილის ქუჩაზე მდებარე საცხოვრებელს არანაირი საფრთხე არ ემუქრება, მემედ აბაშიძის ქუჩაზე მომიჯნავე კორპუსიც მდგრადია, თუმცა მას დამატებით ექსპერტიზას ჩაუტარებენ.

დანგრეული კორპუსიდან 55 ოჯახია გაყვანილი. Მათთვის განიხილება მერიის საბინაო ფონდიდან ბინების, ასევე ფულადი კომპენსაციის გადაცემა. კორპუსის მცხოვრებლებთან მერიის წარმომადგენლები შეხვედრას დღეს გამართავენ.

წინა სტატიაშიქუთაისის გასასვლელთან, მოქალაქეები ცოცხებით ხელში შეიკრიბნენ
შემდეგი სტატიადეკანოიძე – რა საბრალოა ხელისუფლება, თანამშრომლებს ძალდატანებით ცოცხები დაურიგეს