ბათუმის ინფექციურ საავადმყოფოში გადაიყვანეს სამი პაციენტი, რომლებსაც საეჭვო სიმპტომები და იტალიაში მოგზაურობის ისტორია აქვთ. მათ კორონავირუსზე ანალიზები უკვე აუღეს და პასუხს ელოდებიან.
აჭარის ჯანდაცვის სამინისტროს ცნობით, პაციენტებს ამ ეტაპზე ტემპერატურა არ აღენიშნებათ. უწყებაში აცხადებენ, რომ სამივე პაციენტი იზოლაციაში იმყოფებოდა და სხვა პირებთან შეხება არ ჰქონია.
12 მარტს საქართველოში კორონავირუსით ინფიცირებულთა რიცხვი 25-მდე გაიზარდა.
