ბათუმში გამართული აქციის დროს დაკავებულ 4 პირს – მამუკა ბერიძეს, ცოტნე აბულაძეს, ალექსანდრე ბაზაღჩიანსა და ზაზა ქოქოლაძეს სასამართლომ 250-250-ლარიანი ჯარიმა შეუფარდა.
სამი მათგანი აბულაძე, ბაზახჩიანი და ქოქოლაძე ბათუმშია რეგისტრირებული. ერთ-ერთი დაკავებული მამუკა ბერიძე კი გორში სწავლობს. ბერიძის დედის განცხადებით, ბათუმში ის დაბადების დღეზე იყო ჩამოსული, აქციაზე კი ძმის მოსაძებნად გავიდა, რომელსაც ჯანმრთელობის პრობლემები აქვს. თავასდ ბერიძე აცხადებს, რომ ნასვამი იყო და ბოდიშს იხდის.
დაკავებულებს ბრალად ადმინისტრაციულ სამართალდარღვევათა კოდექსის 173-ე და 166-ე მუხლების დარღვევა ედებათ, რაც სამართალდამცავებისთვის დაუმორჩილებლობას და ხულიგნობას გულისხმობს.