საქართველოდან (ბათუმიდან) აფრენილი მცირე ზომის თვითმფრინავი თურქეთში, რიზეს პროვინციის სანაპიროსთან ზღვაში ჩავარდა. ინფორმაციას თურქული მედია ავრცელებს.
გამოცემის ცნობით, შემთხვევა რიზეს პროვინციის ჩაიელის რაიონის სანაპიროსთან მოხდა. ბორტზე 2 ადამიანი იმყოფებოდა.
თურქეთის შინაგან საქმეთა სამინისტროს შესაბამისი სამსახურების მიერ ჩატარებული ოპერატიული სამძებრო-სამაშველო ღონისძიებების შედეგად, ბორტზე მყოფი ორივე პირი უვნებლად გადაარჩინეს.
ავარიული დაშვების ან ჩამოვარდნის კონკრეტული მიზეზები ამ ეტაპზე უცნობია. გავრცელებული ცნობებით, საჰაერო ხომალდი რეისს ბათუმის აეროპორტიდან ახორციელებდა.
