ბათუმი-ქუთაისის სამგზავრო მატარებელს ცეცხლი გაუჩნდა

თაიმერი timer.ge
ავტ.: თაიმერი timer.ge დეკემბერი 18, 2016 14:26

ბათუმი-ქუთაისის სამგზავრო მატარებელს ცეცხლი გაუჩნდა

ქუთაისი-ბათუმის მიმართულებით მოძრავ მატარებელს ცეცხლი გაუჩნდა. ამის შესახებ საქართველოს რკინიგზამ განცხადება გაავრცელა, სადაც აღნიშნულია, რომ შემთხვევის შედეგად არავინ დაშავებულა.

“ქუთაისი-ბათუმის მიმართულებით მოძრავ ელექტრომატარებელ N 682-ზე აალება მოხდა. ოპერატიულად განხორციელდა მგზავრების ევაკუაცია. ინციდენტის შედეგად არავინ დაშავებულა. მომხდარს ხელი არ შეუშლია მატარებლების მოძრაობის გრაფიკზე. მოძრაობა აღდგენილია, მიმდინარეობს მოკვლევა და უახლოეს პერიოდში გაირკვევა აალების მიზეზები,”-ნათქვამია განცხადებაში.

როგორც „თაიმერის“ კორესპონდენტი იუწყება, შემთხვევის ადგილზე სამაშველო სამსახური და ექიმთა ბრიგადა დროულად მივიდნენ. საბედნიეროდ, მსხვერპლი არ არის.
ლესაში ლანჩხუთის მუნიციპალიტეტის გამგებლის პირველი მოადგილე ნუგზარ ცინცაძე, არქიტექტურისა და ინფრასტრუქტურის სამსახურის უფროსი ლევან ჩხაიძე და ზედამხედველობის სამსახურის უფროსი თენგიზ ხელაძეც იმყოფებოდნენ.

სამგზავრო მატარებელში ხანძრის გაჩენის ფაქტზე საქმე სისხლის სამართლის კოდექსის 187-ე მუხლით აღიძრა.

თაიმერი timer.ge
ავტ.: თაიმერი timer.ge დეკემბერი 18, 2016 14:26

Google სტატისტიკა


5,195
ვიზიტორი
დღეში
Powered By Google Analytics