ბათუმი-ქობულეთის მაგისტრალზე ერთმანეთს 3 ავტომობილი შეეჯახა. ავარიის შედეგად 2 ადამიანია დაშავებული.
ქობულეთის სასწრაფო სამედიცინო დახმარების სამსახურის ინფორმაციით, დაშავებულები გადაყვანილნი არიან ქობულეთის რეგიონულ საავადმყოფოში და მათ ამ დროისთვის ოპერაცია უტარდებათ.
შს სამინისტროს ინფორმაციით, ფაქტზე გამოძიება 276-ე მუხლის პირველი ნაწილით მიმდინარეობს.