ავიაკომპანია Red Wings-ის კუთვნილ საჰაერო ხომალდს, რომელიც რეისს (WZ 1450) ბათუმი-პერმის მიმართულებით ასრულებდა, ეკატერინბურგის კოლცოვოს აეროპორტში იძულებითი დაშვება მოუწია.
ურალის სატრანსპორტო პროკურატურის ინფორმაციით, ინციდენტი ტექნიკურმა გაუმართაობამ გამოიწვია.
„მარშრუტიდან გადახრის მიზეზი საჰაერო ხომალდის ერთ-ერთი საბორტო სისტემის ტექნიკური გაუმართაობა გახდა“, — ნათქვამია უწყების განცხადებაში.
სზედამხედველო უწყების ცნობით, დაშვებამ საშტატო რეჟიმში, ინციდენტებისა და დაშავებულების გარეშე ჩაიარა. შემთხვევის ადგილზე სატრანსპორტო პროკურატურის სპეციალისტები მუშაობენ და მომხდარის გარემოებებს ამოწმებენ.
