მიხეილ სააკაშვილის ადვოკატი, ბექა ბასილაია არ გამორიცხავს, რომ სასამართლო 10 ნოემბერსაც არ ჩატარდეს, ან ის დისტანციურად გაიმართოს.
“პიჯაკების საქმესთან დაკავშირებით მოსამართლე დაიმალა, და არც კი გვეუბნება როდის ჩანიშნავს პროცესს, მაშინ როდესაც აგვისტოში ძალიან განრისხებული იყო, რომ დროულად გვაქვს ეს პროცესი დასასრულებელიო და მიხეილ სააკაშვილის საქართველოში ჩამოსვლის შემდეგ, დაავიწყდა, რომ დროულად აქვს ეს პროცესი დასასრულებელი” ამბობს ბასილაია.
