ალეკო ელისაშვილს მოსამართლე გიორგი გელაშვილმა სხდომაზე განცხადების გაკეთების უფლება არ მისცა.
როგორც ცნობილია, დაკავებულ პოლიტიკოსს პროკურატურისგან აინტერესებდა, რატომ არ არის დაკავებული ამ დრომდე მის მიერ ძალადობაში მხილებული პოლიციელი-ზაქარია ჩოხელი.
“რატომ არ მალაპარაკებთ? რატომ არ მაძლევთ სიტყვის თქმის უფლებას? პროკურორს მინდა ვკითხო, ზაქარია ჩოხელი რატომ არ არის დაკავებული, რომელიც მონაწილეობდა ჩემს წამებაში? – ბარემ დამხვრიტეთ პირდაპირ, მაინც იმას გააკეთებ, რასაც გეტყვიან, ჩამომახვრჩვეთ ბარემ”,_ თქვა გავრცელებული ინფორმაციით, ალეკო ელისაშვილმა.
ელისაშვილი 2025 წლის 29 ნოემბერს, თბილისის საქალაქო სასამართლოს კანცელარიის დაწვის მცდელობის ბრალდებით დააკავეს და ბრალი “სისხლის სამართლის კოდექსის“ 323-ე მუხლით წაუყენეს, რაც ტერორისტული აქტის მცდელობას გულისხმობს.
2026 წლის მარტში კი, მას ბრალი მეორე ეპიზოდზე წარედგინა. პროკურატურა ამტკიცებს, რომ ალეკო ელისაშვილმა თბილისის სასამართლოს შენობაში ცეცხლის გაჩენა 2025 წლის 4 მაისსაც სცადა.
