“მიმაჩნია, რომ თვითონ გაემიჯნა პარტიას. პოლიტსაბჭოზე ვიმსჯელეთ და მან განსხვავებული პოზიცია დააფიქსირა”- ამის შესახებ “ერთიანი ნაციონალური მოძრაობის” პოლიტიკური საბჭოს წევრი გიორგი ბარამიძე, სალომე სამადაშვილი მიერ ევროპული საბჭოს პრეზიდენტის შარლ მიშელის მიერ შეთავაზებულ ახალ 5 პუნქტიან დოკუმენტზე ხელმოწერაზე კომენტირებისას “ღამის კურიერთან” განაცხადა.
წამყვანის კითხვაზე, შეესაბამება თუ არა სიმართლეს ინფორმაცია, რომ სალომე სამადაშვილის პოზიციას იზიარებენ რომან გოცირიძე და თინა ბოკუჩავა, ბარამიძემ პასუხობს:
“ამას თვითონ დააფიქსირებს ნებისმიერი პიროვნება, რომელიც არჩევნების გაყალბების მიუხედავად დღეს იურიდიულად ითვლება პარლამენტის წევრად, მაგრამ მათ უარი აქვთ ნათქვამი პარლამენტის წევრობაზე,” – განაცხადა ბარამიძემ.
დღეს, 19 აპრილს, “ერთიანი ნაციონალური მოძრაობის” პოლიტიკური საბჭოს წევრმა სალომე სამადაშვილმა პრეზიდენტის სასახლეში შარლ მიშელის მიერ წარმოდგენილ დოკუმენტს ხელი მოაწერა.
