ამერიკის შეერთებული შტატების პრეზიდენტი ბარაკ ობამა ფეისბუკის საკუთარ გვერდზე ულოცავს ამერიკელებს დამოუკიდებლობის დღეს. „დღეს, ჩვენ ავღნიშნავთ ჩვენს თავისუფლებას და, მოდით, პატივი მივაგოთ მათ, ვინც თავი გასწირა იმისთვის, რომ ეს დღე დამდგარიყო“- წერს ამერიკის პრეზიდენტი. იგი მადლობას უხდის ამერიკის შეერთებული შტატების სამხედრო ძალებს, რომელთა წარმომადგენლებს ქვეყნის საუკეთესო ნაწილად მოიხსენიებს. ბარაკ ობამა ამერიკელ ხალხს დღესასწაულის “უსაფრთხოდ და ბედნიერად“ ჩატარებას უსურვებს.
