ბაქო-თბილისი-ყარსის სარკინიგზო მაგისტრალის თურქული მონაკვეთის მშენებლობა დასასრულს უახლოვდება. ამის შესახებ თურქეთის ტრანსპორტისა და კომუნიკაციების მინისტრმა აჰმეთ არსლანმა განაცხადა სააქციონერო საზოგადოება „აზერბაიჯანის რკინიგზის“ თავმჯდომარესთან ჯავიდ ყურბანოვთან შეხვედრის დროს.
შეხვედრაზე იმსჯელეს სტრუქტურულ რეფორმებზე და ტვირთის სახეობებზე, რომლებიც დაექვემდებარებიან გადაზიდვას. აღინიშნა, რომ რკინიგზის საქართველოს მონაკვეთზე ლოკომოტივებს უკვე შეუძლიათ ყოველგვარი დაბრკოლების გარეშე იმოძრაონ თურქეთის საზღვრამდე.
