„ბანკი ქართუ“ განცხადებას ავრცელებს

“ბანკი ქართუ” განცხადებას ავრცელებს. „სს „ბანკი ქართუ“ გაცნობებთ, რომ გაურკვეველი პირების მიერ, სოციალურ ქსელში „ბანკი ქართუს“ ლოგოთი შეიქმნა ყალბი „ფეისბუქ“ და ინტერნეტ გვერდები, (https://www.facebook.com/Cartubank-693425757768500/-vtblogin.com), რომელიც მომხმარებელს ყალბ შეთავაზებებს სთავაზობს, რისთვისაც ითხოვს პირად მონაცემებს.

აღნიშნული აშკარად შეიცავს კანონსაწინააღმდეგო ქმედების ნიშნებს. “ბანკი ქართუ“ მომხმარებელს აფრთხილებს, ნუ შეიყვანენ ყალბ გვერდებზე პირად მონაცემს და არ ენდონ ყალბი ინტერნეტ პლატფორმებიდან მიღებულ შეთავაზებებს.

მომხმარებლთა ინტერესების დაცვის მიზნით, „ბანკმა ქართუმ“ უკვე მიმართა შესაბამის სამსახურებს ფაქტის სამართლებრივი რეაგირების მიზნით. იმედს გამოვთქვამთ, რომ უსწრაფესად მოხდება იმ პირთა იდენტიფიცირება, ვინც ყალბი გვერდები შექმნა, შესაბამისად, დაიბლოკება ყალბი გვერდები და მომხმარებელი იქნება დაცული.

დამატებითი კითხვებისთვის დაუკავშირდით “ბანკი ქართუს” სატელეფონო მომსახურების ცენტრს: +995 032 200-80-80, მობილურიდან *8080, ან ეწვიეთ ბანკის ოფიცალურ ვებ გვერდს: www.cartubank.ge“, – აღნიშნულია სს „ბანკი ქართუს“ მიერ გავრცელებულ ინფორმაციაში.

banner
წინა სტატიაშისკანდალი: სიგარეტის გაძვირებით მოპარული 60 მილიონი ივანიშვილის გარემოცვის ჯიბეში წავიდა
შემდეგი სტატიაბათუმი-ქობულეთის შემოვლით გზაზე ავარიის დროს დაშავებული პირებიდან კიდევ ერთი საავადმყოფოში გარდაიცვალა