Ан-26-ის ეკიპაჟი, რომელიც დღეს ბანგლადეშის ნაპირებთან ჩამოვარდა, სრულიად უკრაინელებისგან იყო დაკომპლექტებული – ამის შესახებ უკრაინის შსს-ს მიერ გავრცელებულ განცხადებაშია ნათქვამი.
თვითმფრინავი უკრაინულ “უგრას” ეკუთვნოდა. Ан-26-ი ბანგლადეშის კომპანია True Aviation-ში ლიზინგით იყო. მიმდინარე მომენტისთვის ადგილობრივმა მაშველებმა ორი დაღუპულის გვამი აღმოაჩინეს, კიდევ ერთი კრიტიკული მდგომარეობით საავადმყოფოშია გადაყვანილი, ერთიც უგზოუკვლოდ დაკარგულად ითვლება.
