ბახტრიონის ქუჩაზე „საქართველოს ბანკის“ ექპსრეს-ფილიალი დააყაჩაღეს.
ადგილზე მიმდინარეობს საგამოძიებო მოქმედებები, ჯერჯერობით უცნობია, რა რაოდენობის თანხაა წაღებული.
შინაგან საქმეთა სამინისტროში, გამოძიება 2 მუხლით დაიწყო – 179-ე, ყაჩაღობის მუხლით და 236-ე, რაც იარაღის უკანონოდ შეძენა-შენახვა-ტარებას გულისხმობს.
ვრცელდება ინფორმაცია დაახლოებით 30 წლამდე ეჭვმიტანილის დაკავების შესახებ, თუმცა, ჯერჯერობით შინაგან საქმეთა სამინისტრო აღნიშნულ ინფორმაციას არ ადასტურებს.