შეერთებული შტატების პრეზიდენტმა ჯო ბაიდენმა ხაზგასმით აღნიშნა, რომ არ აპირებს არჩევნებიდან გასვლას რესპუბლიკელ კანდიდატ დონალდ ტრამპთან წარუმატებელი დებატების შემდეგ. ამის შესახებ ბაიდენმა ABC News-თან ინტერვიუში განაცხადა.
თეთრი სახლის ხელმძღვანელს ჰკითხეს, დატოვებს თუ არა არჩევნებს, თუ დარწმუნდება, რომ დონალდ ტრამპს ვერ დაამარცხებს.
„ეს დამოკიდებულია იმაზე, თუ ყოვლისშემძლე უფალი ჩამოვა და მეტყვის: „ჯო, გამოდი რბოლიდან“. ამ შემთხვევაში დავტოვებდი. უფალი ყოვლისშემძლე არ ჩამოვა“, – განაცხადა ბაიდენმა.
მისივე თქმით, არ ფიქრობს, რომ მასზე უფრო კვალიფიციური ადამიანი არსებობს შეერთებული შტატების პრეზიდენტობისთვის, ან ამ არჩევნებში გამარჯვებისთვის.
