აშშ-ის პრეზიდენტმა ჯო ბაიდენმა ისრაელის პრემიერ-მინისტრ ბენიამინ ნეთანიაჰუს 1 აგვისტოს გამართული სატელეფონო საუბრისას უთხრა, რომ შეწყვიტოს მისთვის ტყუილების თქმა. ამის შესახებ Channel 12-ი იტყობინება.
მედიის ცნობით, ბაიდენი მას შემდეგ გაღიზიანდა, რაც ნეთანიაჰუმ უთხრა, რომ ისრაელი მძევლების გათავისუფლებისა და ცეცხლის შეწყვეტის შესახებ მოლაპარაკებებში პროგრესს აღწევს და მოლაპარაკებების განახლების მიზნით, მალე დელეგაციას გაგზავნის.
ნეთანიაჰუს ოფისში აცხადებენ, რომ პრემიერ-მინისტრი შეერთებული შტატების პრეზიდენტთან პირადი საუბრის შინაარსზე კომენტარს არ აკეთებს. Channel 12-ის თანახმად, მისმა ოფისმა განაცხადა, რომ ნეთანიაჰუ არ ერევა აშშ-ის პოლიტიკაში და მისგან იმავეს ელის.
