აშშ-ის პრეზიდენტი ჯო ბაიდენი კონგრესს უკრაინისთვის 33 მილიარდი დოლარის გამოყოფას სთხოვს. ამის შესახებ მან საგანგებო ბრიფინგზე განაცხადა.
მისი ინფორმაციით, ფინანსური დახმარება გადანაწილდება მომდევნო რამდენიმე თვეზე და მოთხოვნის თანახმად, ამ თანხიდან 20.4 მილიარდი სამხედრო შეიარაღებისთვის გამოიყოფა, აქედან 6 მილიარდი კი ქვეყნის უსაფრთხოებაზე დაიხარჯება.
დახმარების პაკეტი ფინანსურ უსაფრთხოებას, ეკონომიკურ და ჰუმანიტარულ დახმარებას ითვალისწინებს.