აზერბაიჯანში საქართველოს დამოუკიდებლობის დღე აღნიშნეს

თაიმერი timer.ge
ავტ.: თაიმერი timer.ge ივნისი 1, 2019 16:06

აზერბაიჯანში საქართველოს დამოუკიდებლობის დღე აღნიშნეს

აზერბაიჯანში საქართველოს საელჩოს ორგანიზებით, სასტუმროს „Hyatt Regency Baku“ ღია ტერასაზე საქართველოს ეროვნული დღესასწაულის – დამოუკიდებლობის დღისადმი მიძღვნილი ფართომასშტაბიანი მიღება გაიმართა, რომელსაც აზერბაიჯანის პრეზიდენტის ადმინისტრაციის, აღმასრულებელი და საკანონმდებლო ხელისუფლების, ქვეყანაში აკრედიტებული დიპლომატიური კორპუსის, კულტურული წრეების, ადგილობრივი და საერთაშორისო ბიზნეს-სტრუქტურების, ტურისტული კომპანიების, ქართული დიასპორისა და მედიის წარმომადგენლები დაესწრნენ.

საქართველოსა და აზერბაიჯანის რესპუბლიკის ეროვნული ჰიმნების შესრულების შემდეგ, დამსწრე საზოგადოებას სიტყვით მიმართეს საქართველოს ელჩმა ზურაბ პატარაძემ და აზერბაიჯანის რესპუბლიკის მილი მეჯლისის თავმჯდომარემ ოქტაი ასადოვმა.

მიღების ოფიციალური ნაწილის დასრულების შემდეგ, ღონისძიება გაგრძელდა ფართო კულტურული პროგრამით. გაიმართა საქართველოს სოფლის მეურნეობის პროდუქციის სხვადასხვა სახის ნობათის პრეზენტაცია, „ქართული ღვინის ფესტივალი“ და ქართული ტრადიციული სამზარეულოს დეგუსტაცია. ცალკე სტენდით იყო წარმოდგენილი საქართველოს ტურიზმის ეროვნული სააგენტო, მოწყობილი იყო თემატური ექსპოზიციები და ნაჩვენები იქნა ვიდეო-რგოლები ჩვენი ქვეყნის ტურიზმის სფეროს სულ უფრო მზარდი პოტენციალის შესახებ.

 

თაიმერი timer.ge
ავტ.: თაიმერი timer.ge ივნისი 1, 2019 16:06

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,804
ვიზიტორი
დღეში
Powered By Google Analytics