აზერბაიჯანმა უკრაინას რკინიგზისა და ენერგოსისტემის აღსადგენად 40 ტონა ტექნიკური აღჭურვილობა გაუგზავნა,_ ინფორმაციას უკრაინის ენერგეტიკის სამინისტრო ავრცელებს:
“უკრაინის ენერგეტიკის სამინისტროს ჰაბის მეშვეობით, აზერბაიჯანიდან თითქმის 40 ტონა აღჭურვილობა მიეწოდა რეგიონულ რკინიგზის ფილიალს, რაც ხელს შეუწყობს უკრაინელი რკინიგზელების მუშაობის გაძლიერებასა და კრიტიკული ინფრასტრუქტურის მხარდაჭერას. აღჭურვილობა ჰაბიდან უკრაინის სხვადასხვა რეგიონში თითქმის ყოველდღიურად იგზავნება. ეს ეხმარება როგორც ენერგეტიკულ სექტორს, ისე სხვა კრიტიკულ ინფრასტრუქტურას, განაგრძონ ფუნქციონირება რუსული თავდასხმების მუდმივი საფრთხის პირობებში. მადლობა აზერბაიჯანსა და STP Global Cable-ს უკრაინის გვერდში დგომისა და ჩვენი კრიტიკული ინფრასტრუქტურის მხარდაჭერისთვის”,_ნათქვამია განცხადებაში.
