ეკონომიკის მინისტრ დიმიტრი ქუმსიშვილის განცხადებით, აზერბაიჯანში მიმდინარე მოვლენები სავალუტო კურსთან დაკავშირებით, საქართველოზე მინიმალურად აისახება.
ქუმსიშვილის თქმით, საქართველო აქტიურად აკვირდება აზერბაიჯანში მიმდინარე მოვლენებს.
“ძალიან აქტიურად ვაკვირდებით იმ მოვლენებს, რომელიც აზერბაიჯანში მიმდინარეობს. ჩვენს ქვეყანას აქვს მცურავი გაცვლითი კურსი, რომლის გამოც ის შიდა თუ გარე შოკები უკვე დიდი ხანია ასახულია ჩვენს კურსში. რაც შეეხება აზერბაიჯანიდან ჩვენს ქვეყანაზე ამ მოვლენების გადმოცემას, სავარაუდოდ იქნება, თუმცა ვფიქრობთ, რომ ეს მინიმალური იქნება”, – განაცხადა ქუმსიშვილმა.