აზერბაიჯანი მზად არის, რომ საჭიროების შემთხვევაში უკრაინას გაზი მიაწოდოს,_ ამის შესახებ განცხადება აზერბაიჯანის საგარეო საქმეთა მინისტრმა, ჯეიჰუნ ბაირამოვმა გააკეთა.
“მიმაჩნია, რომ ენერგოუსაფრთხოების სფეროში აზერბაიჯანსა და უკრაინას შორის თანამშრომლობის შესაძლებლობაც არსებობს, განსაკუთრებით იმ პროექტის ფარგლებში, რომელიც თქვენ ახსენეთ უკრაინის გაზსაცავების უფრო ფართო გეოგრაფიულ კონტექსტში გაზის მიწოდებისთვის გამოყენების თაობაზე. ჩვენ ასევე ვხედავთ ამას, როგორც ძალიან პერსპექტიულ მიმართულებას ჩვენი სამომავლო თანამშრომლობისთვის“,_ თქვა მინისტრმა.
