აზერბაიჯანის საგარეო საქმეთა მინისტრის, ჯეიჰუნ ბაირამოვის განცხადებით, აზერბაიჯანი და სომხეთი სახელმწიფო საზღვრის დელიმიტაციის პროცესზე შეთანხმდნენ.
მინისტრმა აღნიშნა, რომ სამუშაოები წარიმართება ჩრდილოეთიდან სამხრეთისკენ და პროცესი უშუალოდ იმ წერტილიდან დაიწყება, სადაც საქართველოს, აზერბაიჯანისა და სომხეთის საზღვრები ერთმანეთს იკვეთება.
„შეთანხმებაა მიმართულებაზე, რომლითაც უნდა გაიმართოს ჩვენი საერთო საზღვრის დელიმიტაცია. არის შეთანხმება და ურთიერთგაგება, რომ სამუშაო უნდა ჩატარდეს და წარიმართოს ჩრდილოეთიდან სამხრეთისკენ, უფრო რთული ჩრდილოეთ საზღვრიდან, აზერბაიჯანის, სომხეთისა და საქართველოს კვეთიდან დაწყებული“, — განაცხადა ჯეიჰუნ ბაირამოვმა.
