ამერიკული გამოცემა Axios-ის ხელში ჩავარდნილი ურთიერთგაგების მემორანდუმის მიხედვით, აშშ-ირანის გარიგების ფარგლებში ისრაელსა და ტერორისტულ დაჯგუფება „ჰეზბოლას“ შორის მიმდინარე მრავალთვიანი კონფლიქტი უნდა დასრულდეს. თუმცა, დოკუმენტი ისრაელს უტოვებს სამხედრო უფლებას, განახორციელოს საპასუხო დარტყმები, თუ ლიბანური დაჯგუფება პროვოკაციებს არ შეწყვეტს.
ეს გადაწყვეტილება განსაკუთრებით აქტუალურია მას შემდეგ, რაც ირანის მიერ მხარდაჭერილმა „ჰეზბოლამ“ 2026 წლის მარტში ისრაელის ჩრდილოეთ ტერიტორიებზე სარაკეტო და დრონებით თავდასხმები ინტენსიურად განაახლა.
საერთაშორისო შეთანხმების ახალი პირობები ითვალისწინებს ცეცხლის სრულ შეწყვეტას, თუმცა თუ ტერორისტული ჯგუფი კვლავ წამოიწყებს ან განახორციელებს იერიშებს, ისრაელს ექნება სრული ლეგიტიმაცია, გამოიყენოს სამხედრო ძალა „ჰეზბოლას“ ინფრასტრუქტურის გასანადგურებლად.
