ხარაგაულის რაიონის სოფელ ვერტყვიჭალაში მომხდარ ავტოსაგზაო შემთხვევას ახალგაზრდა მამაკაცის სიცოცხლე ემსხვერპლა. გარდაცვლილია მარტვილის მკვიდრი გიზო ჯახუა. “თაიმერის” ინფორმაციით ის ყურძნის საყიდლად იყო წასული. შემთხვევა გვიან ღამით მოხდა.
შსს-ს ინფორმაციით, მომხდარზე გამოძიება სისხლის სამართლის კოდექსის 276-ე მუხლის მეექვსე ნაწილით მიმდინარეობს (ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ადამიანის სიცოცხლის მოსპობა გამოიწვია).