ავტოსაგზაო შემთხვევა მოხდა თბილისში. ტაშკენტის და ვაჟა-ფშაველას კვეთაზე “ჯიპის” და “სედანის” ტიპის ავტომანქანები ერთმანეთს შეეჯახა. შემთხვევის შედეგად ორი ადამიანი დაშავდა. როგორც ”თაიმერს” სასწრაფო-სამედიცინო დახმარების ცენტრიდან აცნობეს, დაშავებულები სასწრაფო დახმარების ბრიგადამ სხვადასხვა ტრავმებით ბექველის საავადმყოფოში გადაიყვანა. შინაგან საქმეთა სამინისტროს ინფორმაციით, მომხდართან დაკავშირებით გამოძიება 276-ე მუხლით დაიწყო.