თელეთის მონაკვეთზე, მარნეული-თბილისის ავტომაგისტრალზე, მძიმე ავტოსაგზაო შემთხვევა მოხდა.
როგორც 24News.ge იუწყება, ერთმანეთს სამი მარკის ავტომობილი შეეჯახა: Ford Fusion, Jeep Grand Cherokee და Mercedes-Benz.
შეჯახების შედეგად, ავტომობილებში მყოფმა მძღოლებმა და მგზავრებმა სხვადასხვა სიმძიმის სხეულის დაზიანებები მიიღეს.
შემთხვევის ადგილზე მობილიზებული იყო სასწრაფო სამედიცინო დახმარების ბრიგადები, რომლებმაც დაშავებულები უახლოეს კლინიკებში გადააყვანეს.
ფაქტზე დაწყებულია მოკვლევა, რათა დადგინდეს ავარიის გამომწვევი ზუსტი მიზეზები.
