ავტომობილებში წინა გვერდითა საქარე მინების უფრო მკვეთრად დამუქება გახდა შესაძლებელი. შინაგან საქმეთა მინისტრმა ვახტანგ გომელაურმა 2 ივლისს გამოსცა ბრძანება, რომლის მიხედვითაც იცვლება მანქანის მინების დამუქების რეგულაციები.
მინისტრის ახალი ბრძანების მიხედვით, შინაგან საქმეთა სამინისტროს სპეციალური ნებართვის გარეშე მძღოლებს შეუძლიათ ავტომობილების წინა გვერდითა საქარე მინები 60%-მდე დაამუქონ. აქამდე ეს მხოლოდ 40%-მდე იყო შესაძლებელი.
კვლავ უცვლელი რჩება წინა და უკანა საქარე მინების დამუქებაზე დაწესებული შეზღუდვები:
წინა საქარე მინის დამუქება შესაძლებელია 30%-მდე;
უკანა გვერდითა მინების – 75%-მდე.
ავტომობილის მინებში შუქგამტარობას საპატრულო პოლიცია სპეციალური მოწყობილობით ამოწმებს. დადგენილი წესის დარღვევისთვის ჯარიმა „ადმინისტრაციულ სამართალდარღვევათა კოდექსით“ არის გათვალისწინებული.
