ავსტრიის ქალაქ ინსბრუკის პოლიცია უცხოელების ჯგუფს ეძებს, რომლებმაც ახალი წლის ღამეს 18 ქალზე მოახდინეს თავდასხმა – წერს Reuters-ი ავსტრიის სამართალდამცველებზე დაყრდნობით.
დაზარალებულების თქმით, უცნობები მათ აჩერებდნენ და კოცნას ცდილობდნენ. შემთხვევები ცენტრალურ მოედანზე მოხდა. სავარაუდოდ, საუბარია 5 ან 6 მამაკაცისგან შემდგარ ჯგუფზე.
თვითმხილველები თავდამსხმელებს აღწერენ, როგორც შავკანიანებს, 20-დან 40 წლამდე ასაკის მამაკაცებს, რომლებიც საუბრობდნენ ინგლისურად, ან ცუდი გერმანულით. სამართალდამცველებს ცუდი ხარისხის ვიდეოჩანაწერი აქვთ.