ავსტრია რუსული გაზის საფასურის რუბლებში გადახდას დათანხმდა

ავსტრიის კანცლერ კარლ ნეჰამერის განცხადებით, ავსტრიული ნავთობისა და გაზის კომპანია OMV რუსეთის მიერ წარმოყენებული მოთხოვნის შესრულებას დათანხმდა.

მისივე თქმით, ვლადიმერ პუტინმა ის პირადად დაარწმუნა, რომ რუსული ბუნებრივი აირის მიწოდება ავსტრიაში არ შეწყდება.

მანამდე, ანალოგიური გადაწყვეტილება მიიღო სერბეთმა და უნგრეთმაც. უნგრეთის საგარეო საქმეთა სამინისტროში განაცხადეს, რომ გაზის საფასურისთვის გამოყოფილ ევროს „გაზპრომბანკში“ დააკონვერტირებენ რუბლებში.

გარდა ამისა, რუსული გაზის საფასურის რუბლებში გადახდის შესაძლებლობას განიხილავენ გერმანიაშიც. შემდეგი გადახდა გერმანიას მაისში უწევს.

შეგახსენებთ, რომ დღეიდან „გაზპრომმა“ პოლონეთსა და ბულგარეთში ბუნებრივი აირის მიწოდება შეწყვიტა, რადგან ეს ქვეყნები გაზის საფასურის რუბლებში გადახდას არ დათანხმდნენ.

ბულგარეთში განაცხადეს, რომ რუსეთიდან გაზის მიწოდების შეწყვეტის შემდეგ შიდა მოხმარების უზრუნველყოფას ერთი თის განმავლობაში შეძლებენ.

პოლონეთში კი თქვეს, რომ მათი საცავები 80%-ით არის სავსე და რუსულ გაზს აღარ შეიძენენ.

წინა სტატიაშიევტუშენკოვი სამხედრო კრიმინალია, რაც ივანიშვილის სანქცირების კიდევ ერთი საფუძველია – “დროას” ბრიფინგი
შემდეგი სტატიახავიერ კოლომინა – ნატო ძალზედ აფასებს საქართველოსთან პარტნიორობას, თქვენს განკარგულებაშია ნატო-ს ყველა ინსტრუმენტი, ზოგიერთი ინსტრუმენტი კი, მხოლოდ საქართველოსთვის მოქმედებს