დედაქალაქის მერი ავლაბრის მეტროში მიმდინარე სარეაბილიტაციო სამუშაოებით უკმაყოფილოა. განცხადება ამის შესახებ კახა კალაძემ თბილისის მთავრობის დღევანდელ სხდომაზე გააკეთა – “გუშინ ავლაბრის მეტროს სარეაბილიტაციო სამუშაოები დავათვალიერე. გულწრფელად გეტყვით, რომ ამ ფორმით, ამ დიზაინით სამუშაოების წარმოება პირადად ჩემთვის და დარწმუნებული ვარ იმ ადამიანებისთვისაც, ვინც ამას ნახავს, კატეგორიულად მიუღებელია” განაცხადა კალაძემ და თხოვნით მიმართა თანამშრომლებს, რომ სატრანსპორტო კომპანიასთან ერთად იმუშავონ ამ თემაზე, მაქსიმალურად მაღალ დონეზე იქნას გაკეთებული პროექტი და რაც შეიძლება მალე განახლდეს სამუშაოები.