ავჭალაში ფესტივალის „თბილისის ცის ქვეშ“ დასკვნითი ღონისძიება გაიმართა

თაიმერი timer.ge
ავტ.: თაიმერი timer.ge ივლისი 29, 2019 10:19

ავჭალაში ფესტივალის „თბილისის ცის ქვეშ“ დასკვნითი ღონისძიება გაიმართა

თბილისის მერიის კულტურის, განათლების, სპორტის და ახალგაზრდულ საქმეთა საქალაქო სამსახურის ორგანიზებით, ავჭალაში ფესტივალის „თბილისის ცის ქვეშ“ დასკვნითი ღონისძიება ჩატარდა.

ღონისძიების ფარგლებში ჩატარდა საბავშვო–გასართობი აქტივობები და ტურნირები სპორტის შემდეგ სახეობებში: კალათბურთი, მკლავჭიდი, ჭადრაკი, ტანვარჯიში, მაგიდის ჩოგბურთი, ფარიკაობა, ბატუტი . სპორტულ აქტივობებში მონაწილეობის მიღების საშუალება, როგორც პროფესიონალ, ასევე მოყვარულ სპორტსმენებს ჰქონდათ.

მერიის ინფორმაციით, მრავალფეროვანი საბავშვო პროგრამის ფარგლებში, პატარებისთვის ჩატარდა სხვადასხვა თამაში, შეჯიბრი და შოუ პროგრამა. ბავშვების განწყობაზე კი ანიმატორები და ზღაპრის გმირები ზრუნავდნენ. მსურველები საბავშვო კინოჩვენებასაც დაესწრნენ. საღამო სალიოს კონცერტმა და დიჯეიმ დაასრულეს.

ფესტივალს დედაქალაქის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის უფროსი ირაკლი გვილავა, გლდანის რაიონის გამგებელი ბექა მიქაუტაძე, პარლამენტის მაჟორიტარი დეპუტატი კობა კობალაძე და საკრებულოს მაჟორიტარი დეპუტატი შალვა ოგბაიძე დაესწრნენ.

პროექტს „თბილისის ცის ქვეშ“ წელს დედაქალაქის მერია VTB ბანკთან ერთად ატარებდა და მის ფარგლებში, თბილისის უბნებში, ყოველკვირეულად, სხვადასხვა სახის კულტურული, სპორტული, საბავშვო და საგანმანათლებლო აქტივობა ხორციელდებოდა.

თაიმერი timer.ge
ავტ.: თაიმერი timer.ge ივლისი 29, 2019 10:19

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,150
ვიზიტორი
დღეში
Powered By Google Analytics